عشان ما انساش……….. L’oreal :)

Featured

Tags

و انا صغيره كنت باجيب كريمات كتير و مش باستخدمها و بانسي دي جت امتي و صلحيتها ايه ……و فين فين لاقيت حل لمشكلتي دي

TICKET

اه بتاع المدارس ده اجيبه واكتب عليه انا فتحت العلبه امتي و صلاحيتها هتنتهي امتي و كده عمري ما استخدم حاجه صلاحيتها منتهيه ابدا

1

مهم قوي ناخد بالنا من علامة العلبه المفتوحه هي دي اهم حاجه لانها بتعرفك ان المنتج ده لما بيدخله هوا و بكتريا بيفضل مكوناته زي ما هي من غير تغير لحد امتي المنتجات اللي في الصور بالصدفه كلها ١٢شهر

النهارده و انا باتكلم عن الكريمات دي و قبل ما قول رايي فيها لازم بكون عندكم فكره عني و عن اسلوب حياتي و ده عشان اللي تحب تجرب حاجه منهم لازم تبقي فاهمه هي مناسبه ليا ليه و اذا كانت تجربتي الشخصيه قريبه منها فتقدر تجرب و النتيجه المتوقعه تكون قريبه

انا عندي ٣٣سنه بقالي اربع سنين يا حامل يا برضع طبيعي و ده خلي بشرتي جافه بشكل غريب و هي طول عمرها عاديه لمختلطه
باكل اكل صحي و باشرب مايه كتير
طيب ازاي مع كل ده بشرتي جافه :حمل و رضاعه اوعوا تنسوا

طيب باعمل ايه يوميا ترطيب و ترطيب بمنتجات طبيعيه او كريمات مخصوصه
بالليل زبدة شيا *
بالنهار في الوقت الحالي كريمات اللي صورهم موجوده

IMG_6328

Hydra Total 5 L’Oreal

: مناسب قوي لو هاخرج و خصوصا لو هاحط ماكياج عشان في نسبة حمايه من الشمس والبشره بتشربه بسرعه و بيدي احساس بارد علي الوش مناسب قوي في الحر اللي احنا فيه و بيخليني ما احسش باي شد في وشي تقريبا طول اليوم

EAU-THERMALE-DURIAGE-150-500x500Thermal water

: هي مايه مالحه شويه الاملاح اللي فيها مفيده للبشره و مغذيه ممكن تستخدميها في اي وقت. علي طول في شنطتي خصوصا في الصيف لو حسيت باي شد او حر في وشي باعمل رسه صغيره و اسيبها تنشف لوحدها بتريح الشد قوي و بسرعه ومش باحس بتلزيق بعدها و لا شد تاني ….وتنفع كمثبت للماكياج و حمايه من الشمس

IMG_6322

Extra Ordinary Oil  L’Oreal

خلاصة مجموعه من الزيوت يا عني مغذي و الزيوت دي مرطبه و ده اللي بشرتي محتجاله
باستخدمه كل يوم الصبح اول ما اصحي و ممكن قبل النوم بالتبتدل مع زبدة الشيا

٣-ربده الشيا : خام ويحتها ياعني …استغفر الله العظيم و تقيله قوي علي الوش مش بتتفرد بسهوله
طيب ارميها ياعني ؟؟؟ لا طبعا لازم اتصرف
المهم جبت زيت لوز مر و خلط شويه بشويه وقلب لحد ما تندمج كويس وفضلت كده لحد ما اديتني قوام مرن قدرت استخدمه فب الmassageعلي وشي
٤-كريم Nivea Q10: باستخدمه قبل الماكياج و ممكن بالليل و لكن بافضل زيت اللوز قبل النوم اكتر بس لازم يكون في حاجه قبل النوم بجد بتفرق كتير قوي في الشكل الصبح

النقطه دي مهمه قوي قوي غسيل الوش انا بشرتي جافه ياعني محتاجه كل الزيوت اللي فيها و كمان المايه طيب باغسلها ازاي
اولا الصبح باغسل وشي بمايه بس
ثانيا بالليل باغسل وشي بصابونه !!!اه صابونه مليانه زيوت مخصوصه لترطيب البشره
استخدمت كذا حاجه من نفرتاري و black lotus و كلهم كانوا كويسين جدا واحسن من الغسول الجاهز

makeup removal

مازلت بافضل الكريم و باجيب ارخص حاجه متوفره و تكون بس ماركه مضمونه و دي غالبا بتكون

Johnson’s

الاهتمام بالبشره مش لازم يكون زي التلفزيون ما بيقول لازم يكون في تجاربك الشخصيه اه فيحاجه ممكن ترجعلها

زي اللي انا كتباه بس كل واحده فينا ظروفها و عيشتها و بشرتها مختلفه فاللي يناسبك مش شرط يناسبني

دمتم جميلات ….نهاركن سعيد

Flormar Advice Review

Flormar

كلنا عارفين منتجاتها في الماكياج و تعتبر من احسن الماركات للاستخدام اليومي للماكياج  بس مش كلنا عارفين ان في عندهم كمان خط مخصوص للعنايه بالبشره

Night Cream & Toner    انا جربت منتجين هاتكلم عنهم بالتفصيل

IMG_2228.JPG

ADVICE CLEANSING TONIC NORMAL&COMBINATION SKIN

Peptides تونر منظف و مرطب ريحته حلوه قوي لانه مستخلص من من الفراوله و الرمان و شوية احماض امينيه و

ايه البيبتيد ده ؟؟؟ ده الماده اللي بتربط البروتينات ببعض

طيب هو احنا وشنا فيه بروتينات ؟

اه فيه الكولاجين و بعد الثلاثين بتبدا الروابط بين الكولاجين تتكسر  نتيجه عوامل كتير جدا هنتكلم عنها في مرات تانيه

يبقي التونر ده في ماده بتساعد علي ربط البروتينات ببعض…… يبقي بيجهز البشره لاستقبال تغذيه قويه من سيروم او كريم ليلي

طريقة الاستخدام :

  • امسحي اي ماكياج
  • اغسلي وشك بغسول مناسب
  • استخدمي قطن طبي و ضيفي ليه التونر و امسحي وشك ورقبتك

اول ما هتستخدميه هتحسي بشد خفيف في وشك و حاجات بتزغزغ ووشك ممكن يحمر شويه لمده 5 دقايق بالكتير وده مش حاجه وحشه ده بداية تفاعل و تقبل بشرتك لامتصاص المنتج

بعد كده تبقي جاهزه للكريم المغذي

ADVICE TIMELESS ANTI-WRINKLE NIGHT CREAM

     كريم ليلي عباره عن

زيت زيتون : وده مش محتاج كلام ولا شرح معروف من قديم الازل قدرته علي تحسين البشره

  بمنع او تقليل حركه عضلات الوش بس زيه زي البوتوكس مفعوله بيروح بعد فتره   : ده بديل لحقن البونوكس بيقوم بنفس الوظيفه  Syn –Ake

http://www.thedermreview.com/syn-ake/

خلاصه الرزالاحمر : غني بالزينك و مضادات الاكسده

ده بقي مركب بيماثل وظيفة الكولاجين الطبيعي في الجسم اللي بنيبدا تكوينه يضعف من بعد اثلاثين    : Syn-Tacks

http://www.theherbarie.com/Syn-Tacks.html

طريقة الاستخدام

وزعي علي وشك و رقبتك مع ضغط خيف و عمل ماساج خيف لحد ما البشره تشربه

تحسن في ملمس البشره هيبان بعد حوالي 10 ايام من الاستخدام

النصيحه الاساسيه هنا لو بشرتك مش محتاجه لمركب من الموجودين في مكونات اي منتج بلاش تستخدميه

 الاسامي اللي مش فاهماها دوري عليها علي الانترنت هتطلعك بسهوله و هتفهمي المنتج ده يناسبك ولا لا ولو بشرتك مش محتاجه كل التعويضات دي يبقي المنتج مش مناسب ليكي و شوفي منتج غيره

مش كل المنتجات الكويسه تناسبنا و مش شرط اللي يناسبك النهارده يبقي يناسبك بكره احنا بنتغير و بشرتنا بتتغير كل يوم

بما انك وصلتي لحد هنا يبقي فيه حاجه مفيده عجبتك اعملي لايك و شير لصاحبتك اللي هتستفيد من الموضوع ده

و تابعينا علي

https://www.facebook.com/HealUpMakeUp/

https://www.instagram.com/hebanaguib.healupandmakeup

https://healupandmakeup.wordpress.com/

 

شوية تفاصيل ع الماشي

 …….الانتظام و المتابعه هما سر النجاح

 في الرياضه لازم يكون في مواعيد للتدريب و متابعه باستمرار عشان تخسي او عشان توصلي لمستوي معين من اللياقه وده مش بيحصل في يوم و ليله ….ده بياخد مجهود  شهور و تعب عشان النتيجه تكون مرضيه و كمان  تنظيم للوقت و المتابعه للحفاظ علي النتيجه

 اقتناعتي ؟؟؟

ما تيجي نعمل ده  في الاهتمام بالبشره  ……. ننتظم و نتابع و نعرف ان الخطوات اللي بنعملها يوميا هي اللي بتعمل نتيجه بعد شهر و بعد سنه و بعد خمسين سنه

جلدك اللي هو بشرتك ده جزء من جسمك و هو الغلاف الاخير و اخر حاجه بيوصلها الغذاء بعد ما كل الاجهزه في الجسم تاخد كفايتها

يعني  اي علامة تبان علي الجلد من بره ليها دلاله علي نقص حاجه في الجسم من  جوه  يبقي عشان جلدك و شكلك يبقي كويس لازم تبدأي من جوه لبره و بالترتيب كده

  •  ناكل اكل مغذي
  • نحرك جسمنا و نلعب رياضه عشان الدم ينقل الغذاء و الاوكسيجين لكل خلايا الجسم بما فيهم الجلد
  • نتعب شويه و نهتم بمنتجات العنايه بالبشره و طريقة استخدامها عشان ناخد افضل نتيجه

اساسيات  استخدام منتجات البشره

  • ازالة الماكياج استخدامي كريم او زيت مناسب مباشرة علي الوش بكميه كبيره عشان الجلد ما يشربهوش بسهوله
  • اعملي حركه دائريه بضغط خفيف عشان الكريم المنظف يدوب الماكياج حتي المضاد للمياه ويكون سهل تشيليه  بعد كده بقطنه
  •  استخدمي القطن الطبي لازالة الكريم المنظف لانه ناعم علي الجلد و مش بيعمل  تجريح للبشره خصوصا الناس اللي بشرتهم حساسه
  • اغسلي وشك بعد كده بغسول مناسب لنوع بشرتك
  • نشفي وشك بفوطه  بضغط خفيف عشان الفوطه تمتص المايه الزياده وخدي بالك بلاش تشدي جلدك في اي اتجاه خصوصا و انتي بتنشفي ( باشوف البنات بتعامل وشها معامله وحشه قوي بالفوط ود بيزود التجاعيد  )
  •   وقت التونر جه ……تقدري تحطي منه نقطتين علي قطنه و تمشي بالراحه علي وشك و رقبتك و تستني لما ينشف و بعد كده تبقي جاهزه للمنتج اللي بعده
  • كريم العين ….. بتستخدميه كل يوم و بيتوزع بطريقة الطبطبه في شكل دايره حولين العظم بتاع العين
  • السيريم ….. المنتج المركز اللي استخدامه مش ضروري يكون يومي بيكون عن الضروره و بس ( مش كتر منتجات و طبقات و خلاص ) ……. هتستخدميه علي المناطق اللي محتاجه عنايه زياده و هي نقطه مش كتير و بطرف صوابعك تعماي دواير بضغط خفيف لحد ما الجلد يمتص السيريم كله
  • الكريم ….. سواء نهار او ليل  تقدري تستخدمي كميه مناسبه تساعدك تعما
  • اعملي ماساج لوشك لمده 3 دقايق او اكتر

  اهم خطوه  اللي معظم الناس بتنساها هي الماساج للاسف هي ابسط خطوه و اقلهم تكلفه و لكن اهميتها بكل الخطوات اللي فاتت و من غيرها ولا كاننا عملنا حاجه عشان

  •  بتساعد الجلد علي امتصاص الماده الفعاله عن طريق تنشيط  الدوره الدمويه
  • ونتيجة تنشيط الدوره الدمويه في الوش بنزود نسبة الاوكسيجين و بالتالي انتاج الكولاجين بيزيد بشكل طبيعي
  •  و كمان بتشد الجلد في عكس اتجاه التجاعيد وده بيقللها بشكل ملحوظ

النظام ده  عشان تبدأي تحسي بنتيجه هتبقي بعد اسبوعين و عشان يكون في فرق ملحوظ بعد شهرين و خدي بالك دايما ان اللي بنبنيه و نصلحه في سنه هيبوظ في شهر لو اهملتي زي عضلات البطن  تقعدي 6 شهور تشديها و لو اخدتي اجازه اسبوعين ولا اكنك عملتي حاجه

    دلوقتي بقي قوليلي ايه الحاجه اللي انتي محتجاها عشان تتشجعي و تبدااي من  النهارده ؟

LUNA Skin Products

Tags

, ,

LUNA Skin Products

منتجات العنايه بالبشره كنيره جدا  للجسم و الكعب و الكوع و الوش و كريمات نهار و ليل حاجه اخر لخبطه خصوصا لما نفس الشركه تنزل منتجات كتير متشابهه

بتبقي عايزه تعرفي تجيبي ايه من المجموعه اللي نازله و ينفع تجيبيها كلها ولاهتناسب احتياجك ولا هتبقي دفعتي فلوس في حتجه هتفضل موجوده جنب اخوتها لحد ما صلاحيتها تنتهي و انتي ما استخدمتيهاش مرتين علي بعض

حل الموضوع ده في انك تبقي عارف هتشتري ايه و ليه وهتستخدميه ازاي و هتحتفظي به فين عشان يفضل قدام عينك وسهل علي ايديك و تبطلي كسل بقي و تهتمي بنفسك شويه  ….. المجموعه اللي هنتكلم عنها النهارده هي

EMOLLIENT from LUNA

Body Oil

مرطب كويس جدا  لانه بيتكون من فيتامين ه و زيت الجوجوبا

مناسب للاستخدام بعد الحمام لو بشرتك جافه قوي بيتشرب بسرعه

عيبه انه ريحته مش حلوه قوي  بس الخبر الحلو انها بتلروح بسرعه حوالي 10 دقايق

ممكن تستخدي معطر جسم بعده

Hand & Body Cream

ريحته حلوه عشان في زيت جوزهند

مع جوز الهند كمان فيه زيت جوجوبا و زبدة الكاكاو

ممكن ده تخليه في شنطتك عشان سهل الاستخدام بعد ما تغسلي ايديك في اي حته تستخميه (خصوصا الصابون اللي في اي حته بره البت بينشف بزياده )

Hand & Heel

ده عميق و تقيل قوي مناسب للاستخدام في علاج الكعب عشان تعرفي احسن طريقه لعلاج كعب الرجل ارجعي للبوست

Happy Feet

ممكن يستخدم للكوع و الركب و الكعب

 اعتقد انهم محتاجين يغيروا اسمه بدل للايد والكعب يسموه للكوع و الكعب  ”  Elbow & Heel”

Super Moisturizing

ده بقي بزبدة الشيا و غني دا بالجسرين

ريحنه كويسه

عيبه انه انه مش بيتشرب بسرعه وطبعا ده احساس سخيف

افضل استخدامه يا بديل لكريم الكعب بنفس الطريق اللي في اللينك اللي فوق

او الطريقه التانيه  ودي هتعجب كل الستات المسئوله عن بيت حطيه في المطبخ جنب الحوض و استخدميه قبل ما تغسلي الاطباق عشان تحمي ايديك من المايه والصابون حتي لو بتستخمي جوانتي هتحسي بالفرق

عشان نجيب كل اللي احنا محتاجينه عايزين مبالغ كتيره بس لونا وفرت لنا كتيييير  بالعرض ده كل المنتجات اللي اتكلمنا عليها النهارده دي مع بعض ب45 جنيه بس الحقوا بقي العرض قبل ما يخلص

عشان دايما تلاقي اللي انتي محتجاله تبعينا

HEAL UP & MAKEUP 

نهارك سعيد

 

Moisturizing mask over night 

Tags

, , ,

اكبر مشكله ممكن تقابلك وانت بتعملي ماكياج ان بشرتك تكون ناقصه ترطيب او محتاجه تقشير

 و ساعات ده مش بيكون واضح بالعين قبل استخدام  ماكياج خصوصا كريم الاساس

وطبعا ده بيضايق اي حد خصوصا لو عندك مناسبه مهمه زي فرح صاحبتك او اختك او حتي فرحك انتي

Purederm.اقتراحي النهارده عن  مقشر و ماسك ليلي مخصوص للترطيب من شركه كوريه اسمها

Dual step Aqua sleeping Mask

عبارهعن منتجين سوا واحد للتقشير و التاني للترطيب

الجزء اللي فوق افتحيه هتلاقي فيه جيل خفيف  دلكي به وشك بيطلع اول طبقه من الجلد و ده يعتبر مقشر خفيف جدا مناسب لاستخدام اسبوعي  او قبل مناسابات مهمه حتي لو المده قريبه

الجزء التاني بقي هو ماسك كميته كبيره ممكن  تقسيمه علي يومين ورا بعض …..ملمسه زي كريم تقيل و ناعم قوي البشره بتشربه  ببطيء

لما تصحي الصبح اغسلي وشك عادي بغسول مناسب استخدمي تونر  مناسب. و بعدها كريم نهار و ما تنسيش كريم العين

و انطلقي لو عندك مناسبه او حتي رايحه الشغل او الجامعه

Dual step Aqua sleeping Mask

نتيجته ممتازة في الترطيب و تجهيز البشره لاستقبال الماكياج و عشان كده نصيحتي لكل عروسه تجيبه و تستخدمه قبل فرحها ب ٣ايام و تقسم الماسك علي يومين

و ما تنسيش لو قسمتي الماسك علي يومين تقفليه كويس و تحطيه في الثلاجه

Facebook   و علي  Blog   عشان تتاابعي كل نصايح البشره و كل تجهيزات الماكياج  تابعينا علي

Happy feet

Tags

, , ,

راحة الست فينا بتيجي من راحة رجليها …اه والله

وعشان تريحي رجليكي  و كمان ما تلبسيش شراب و انتي نايمه 😂😂

وانتي بتاخدي الدش بتاعك الصبح  (اصلي عارفه ان ما فيش وقت يادوب بتجري عشان تلحقي تخلصي اللي وراكي )

١-استخدمي scholl

(الحجر العادي حلو قوي بس مرهق

لحد ما تحسي ان الخشونه اللي الكعب راحت يا عني شيلتي كل الجلد الميت و جلدك بقي جاهز لاستقبال الترطيب

٢-استخدمي كريم من الكريمات التقيلة زي جليسوليد او ايڤا بالجلسرين

اي حاجه فيها جلسرين تقيل هتعمل مفعول هايل و   كملي استخدام الحجر شويه عشان تنشطي الدوره الدمويه

٣-نشفي رجليكي كويس و خلي بواقي الجليسرين فيها او ممكن تزودي شويه كمان

٣-البسي شراب قطن تقيل مش مهم لونه ايه المهم ان تكون خامته طبيعيه و يكون تقيل عشان  ما يسربش الحراره بسهوله لان علاج تشققات الكعب بيعتمد علي درجة الحراره وده اللي بيبهدلنا في الشتا

٥٤-البسي جزمه رياضيه ؟!!! اه بتسخن الرجل جدا البسيها و انزلي امشي شويه هو ده العلاج شوية هوا نقي و تمشيه الرجل تسخن و تنشطي الدوره الدمويه و تعالجي رجليمي

طبعا ده لام زي حالاتي كده درب من دروب الخيال

و عشان كده هنيجي لارض الواقع و اقولك البسي جزمه رياضيه و لبس رياضي و مش لازم تنزلي خالص بس قومي  علي البيت  قومة مالهاش زي  تنظيف و تنفيض

او ممكن تروحي الجيم عادي المهم انك تتحركي و تعملي مجهود و رجليكي تسخن

٦-بعد المجهود الطويل المرهق او اللطيف في التمشيه (اللي تقدري عليه ) طبعا هتحتاجي تستحمي تاني  هنا بقي ممكن تستخدمي مايه وملح (ممكن تجيبيه من نيفرتاري )و تبدأي تعملي ماساج خفيف لرجليكي و صوابعيك

الماساج فيه منه انواع كتير منها الاسترخائي و منها العلاجي هنتكلم عنهم بالتفصيل بعد كده وفايدتهم وازاي تقدري تعمليه لنفسك

٧-نشفي كويس و استخدمي زيت مرطب انا بافضل اي حاجه فيها lavender  لانه مهدئ للاعصاب و ده كمان داخل  في طريقه من طرق العلاج اسمها Aromatherapy

٨-اخر خطوه و ديه لازم تكون في سريرك قبل ما تنامي يكون جنبك كريم مرطب خفيف و سريع الامتصاص زي (نيڤيا سوفت) وده يستخدم يوميا قبل النوم مع شويه تدليك خفيف وضغط علي كل حته في الكعب و الصوابع عشان ده بيهدي الجسم و يساعدك في النوم و كمان يكون بدايه انك تعالجي نفسك او تمنعي امراض عن نفسك و ده بقي Reflexology و هنتكلم عن اساسياته في يوم تاني

Happy feet
تابعي كل الموضوعات و شاركيها مع اصحابك علي

https://healupandmakeup.wordpress.com/

تصبحي علي خير و استمتعي بنوم هادي و اوعي تلبسي شراب و انتي نايمه 😉

Pure & Natural products from Salt Cave Sokhana

 بما اني شخصيه بتحب الطبيعه و الحياه الصحيه باهتم بكل المنتجات الطبيعيه في العنايه بالبشره …في اخر اجازه زرت كهف الملح في بورتو السخنه و طبعا زي اي كائن مهتم بعلوم الطاقه كان لازم اجرب و طبعا زي اي ست لازم التجربه  تتوج بالشرا و طبعا المنتجات دي انا بقالي فتره
باجربها عشان اقولكم رائي الشخصي 

1-salt

Sahara Salt Bar 

اولا و انا باشتري اللي بيبيع هناك قالي انها بتستخدم عشان كعب الرجل بدل الحجر اللي احنا عارفينه و لما مسيكتاها لاقيتها ناعمه قوي يا عني كلامه لا يتطابق مع الحجر و الحقيقه الدنيا كانت ضالمه  قوي علي ان حد يقري  حاجه المهم اتوكلت علي ربنا و اشتريتها و لاقيت ان  المكتوب عليها مختلف تماما …… ـتعالوا بقي نشوف ايه اللي هنعملوا بيه و ليه 

22فايدتها 

هتساعد جسمك يجدد نفسه بنفسه

بتعيد توازن الطبيعي في بشرتك

(بتنشط الدوره الدمويه ( و الليفه كمان علي فكره يس استخدمي كل الحاجات دي عكس اتجاه الجاذبيه الارضيه

طريقة الاستخدام  

بعد الحمام و جسمك لسه مبلول ماشيها علي الجسم كله

المايه اللي عليكي هتدوبها و هتبدائي تحسي بشوية حرقات  ما يهمكيش ابدا اجمدي هههههه 

بعد ما الحرقان يروح بعد حوالي دقيقه نشفي بفوطه بطريقة الطبطبه او الضغط الخفيف  هتلاقي جلدك ناعم قوي

انا افضل بعدها نسنخدمي زيت طبيعي و ليكن ارجان او لوز عشان يدي لمعه لطيفه للجلد 

 لما تقلقيش مع الاستمرار مره كل اسبوع الحرقان بيقل 

عشان تعرفوا تجربة الصابون اللي  باردوا جيبته من هناك

Blog تابعوا ال 

Bridal Tiara or Crown

اختيار اكسسوارات الفرح مهم قوي و من اهم اكسسوارات العروسه التاج و التاج ترجمته هي

Crown or  Tiara

اكيد في فرق بينهم

Crown

  • بيكون مخصوص للملوك و الملكات
  • بيكون  دايره كامله
  • بيكون عالي
  • ماليان تفاصيل و ممكن يكون موضع باحجار كريمه او معمول من الدهب الخالص عشان يبان قيمته و تميز اللي لابسه بين الناس

Tiara

  • كان زمان بس في الاسره المالكه عشان يبانوا مميزين عن باقي  الشعب
  •  (نصف دايره …..بيكون جزء امامي فقط
  • مش عالي قوي

ايه المشكله ان عروسه تبقي مبهره

اللي باشوفه و بيزعلني هو عدم الاهتمام بالتفاصيل الحلوه المناسب

مش لازم تكون حاجه رفيعه و مش باينه عشان تبقي رقيقه ممكن حاجه زي الورود دي مليانه تفاصيل وشغل و في نفس الوقت رقيقه و ناعمه

 8be2947c534d4d3bac7c94d0578d4cda
مش لازم تكون حاجه ضخمه بس مهم انها تكون مناسبه للوشي (اه زي الماكياج بالضبط نسبه وتناسب)

336295a63cb62d1e155cc4567506a96f

مهم ان يكون ليها علاقه بالطرحه اللي هلبسها و شكلها و حجمها (عشان في بنات كتيير محجبات )

مهم قوي لو انتي مش محجبه تتفقي علي تسريحة شعر مناسبه للتاج اللي هتختاريه و يكون لايق عليكي

312b8f74766f453da912ba74266fdf4a

مهم قوي تختاري حاجه مميزه و مختلفه حسب وقت وشكل المناسبه بتاعتك  Theme  & Style

5581a982c62e5544ae7041048be0e9f9

نصيحتي لكل عروسه

  • اهتمي بتفاصيلك
  • اهتمي باختيارتك مش اي حاجه تقضي الغرض وخلاص
  • دايما ممكن تضيفي لمسه صغيره للحاجات اللي موجوده في المحلات و دي هتفرق كتير و بتفرق من شخص للتاني
  • وممكن دايما حد يعملك تصميم مخصوص  بس دوري من بادري شويه مع اختيار الفستان تقريبا

زمان كانوا ديما بيقولوا ان دي ليلة العمر و خصوصا للعروسه الليله اللي بتتوج فيها ملكه علي بيتها و قلب جوزها و بتتنقل من اميره في بيت اهلها لملكة في مملكتها الصغيره و الفرح ده هو يوم تتويج الملكه

في اللينك اللي تحت انا جمعت و لسه باجمع اشكال للتيجان منها اللي ينفع يتلبس زي ما هو و منها اللي ممكن تاخدي منه فكره ويتنفذ بشكل مختلف 

عشان تعرفي اكتر عن الاكسسوارات اللي ممكن تستخدميها في يوم فرحك تابعيني علي

 https://healupandmakeup.wordpress.com

Lipstick Psychology

Tags

, , ,

انا خريجة فنون جميله قسم عماره  جزء صغير من دراستنا في الكليه بيتكلم عن سيكولوجية الالوان و ازاي استخمها في التصميم عشان اعمل تاثير نفسي معين علي الشخص اللي هيستخدم المكان ده فيما بعد  زي تاثيرات اللون الاحمر القوي الجذاب اللي بيشدك من بعيد بس لو قعدتي في مكان كل حيطانه حمرا هتحسي انك لازم تتحركي بسرعه و عشان كده اللون الاحمر موجود في كل مطاعم الاكل السريع اتعلمت كمان ليه الناس اللي بتدرس تسويق بيستخدوا اللون ده عشان يشدوانتباهك و ياثروا عليكي عشان تشتري منتج معين

Chakras    بعد كده بدات اهتماماتي الشخصيه تتجه لليوجا وعلوم الطاقه وجزء منها الالوان سواء معاني اوتحليل و تاثير ال

Colour therapy و كمان العلاج البديل  و جزء منه

 دي كانت مقدمه مهمه قبل ما اقدر اتكلم في الموضوع

من فتره كنت بعت اسالكم عن الوان الروج اللي بتحسسكم بالسعاده

و كل واحده رديت باللون اللي بتحبه و  بتلاقي نفسها مبسوطه وهي بتستخدمه و الاجابات كلها كانت علي الالوان دي

Red…..Rose….. Fauschia….. Cashmere….. Nude….. Purple….. Orange

………تعالوا نشوف تاثير الالوان علينا

كل لون ليه دلاله او معني حسب طريقه الاستخدام لو استخدمتي اللون الاحمر في الروج بس  ولابسه فستان اسود هنفتكر جمال الخمسينات  over  غير لما تستخدمي  اللون الاحمر في فستان و روج بيبقي مثير و ملفت زياده

الفرق بين طرقتين الاستخدام دول هو مربط الفرس  بين انك قويه ومتحركه ولا متعصبه و بتتخانقي مع كل اللي يقابلك هاديه و ناعمه ولا خايفه من اللي حواليكي بتفكري ومحتاره و لا مكتائبه

استخدام اللون بطريق معينه بقدر مناسب بيعبر عن حالتك و تقدري تشوفي اللون اللي بيعبر عن صفات انتي محتاجلها و تستخدميه او ممكن تتخلي    Comfort Zone عن استخدام لون لفتره من الوقت عشان تطلعي بره ال

  معاني الالوان

اما بنسخدم الالون احنا بنكتسب من صفاتها و معانيها  و او بنعبر عن  نفسنا بيها
من معاني الالوان تقدري تعرفي نفسيتك محتاجه ايه دلوقتي عشان تجري تتستخدميه في لبسك و ماكياجك و الاماكن اللي بتكوني فيها كتير 

red


RED the colour of  Base Chakra
 لون الطاقه و الحركه و الطموح و الرغبات و في نفس الوقت هو لون الغضب و القوه و دي الدرجات بتاعته و صفاتها منه

Scarlet  و ده فيه شوية اورانج و شقي

Crimson وده فيه حبة ازرق صغيرين و ده بيهديه  شويه

 Burgundy و وده الازرق فيه اكتر شويه و رايح علي بنفسجي بشكل واضح و اللي بتستخدمه بتبقي ست قويه و عاقله

Maroon  وده بفي الغامق اللي فيهم و بيخليه اهدي واركز

pink

Pink sometimes represents the Heart Chakra 

لون رومانسي و عاطفي و بناتي و ممكن نعبر به عن البراءه  او عدم النضوج و اعتقد ان ده الي مخليه اللون الرسمي للعرايس و يجي منه بقي الدرجات دي

Blush تفريبا بلون الجلد و بيبقي لون ناعم قوي بس ده ممكن يخليه بهتان و ما فيش فيه حيويه

 Rose Pink الوردي و ي الدرجه الرسميه للحب و الرومانسيه

Salmon Pink فيه نسبه بسيطه من الاورانج و ده بيخليه لون شقي و ناعم 

Hot Pink  نسبة اللون الاحمر فيه عاليه شويه و ده بيخليه لون فيه حركه و اثاره و مزاج لكل حاجه

Fuchsia وده فيه شوية ازرق خفاف قوي و يعتبر بداية لدخولنا علي اللون البنفسجي بدرجاته و عشان كده هو لون بيجمع بين الرومانسيه و العقل و انا باعتبره لون المرأه لان الست رومانسيه و قويه و عاقله

purple

Purple the colour of Crown Chakra 

اللون الملكي  و مسئول عن التفكير والطموح ولون غني لانه بيجمع بين متناقضين الاحمر بالدافي اللي فيه و الازرق بهدوءه و يجي منه بقي الدرجت دي

Cashmere درجة روج انتشرت الفتره اللي فاتت و لكن خلينا نقول ان كلمة كشمير هي صفه جايه من خامة الكشمير و اللي بتدي معني النعومه و الضي الخفيف

Plum محمر و سخن و دافي كله انوثه في ناس كتير بتتعامل معاه علي انه نبتي بس رايح علي بنفسجي شويه  

orange

Orange the colour of Sacral Chakra 

لون الحيويه و النشاط مغامر و بيحب الناس من مميزاته انك تقدري تستخدميه عشان يساعك تنفذي قرارات لانه لون الحركه عشان هو مزيج بين الاحمر و الاصفر لون القوه و ون التركيز

nude

Nude the most common answer

 عشاق اللون ده بيبقوا حنين دول الناس اللي بتحبي تروحي لحضنهم اللي كله دفي و امان

لو مش بتحبي تستخدمي غيرلون واحد و بس او بتخافي تستخدمي او حتي تجربي اي   لون تاني مهما كان مناسب ليكي  انصحك تتفرجي علي قيلم كله ممثلات و بس

THE WOMEN

خدي بالك من التحول اللي في حيات ميج راين لما طلعت بره الوانها العاديه اللي بترتاح فيها و شوفي لمعة عينيها لما وافقت تجرب ال

Jungle Red

شوفي في اخر الفيلم لما حبيت نفساها  قوي و قدرت نفسها فعلا قدرت تعمل كل اللي نفساها فيه وفرضيت اللي هي عايزاه علي كل اللي حوليها من اول باباها لحد جوزها و بنتها اللي انبهرت بيها

كده عرفتي بدايات تقدري تستخدميها في الروج بتاعك بسهوله  ….. عشان تعرفي حاجات اكتر و عشان ساعات بتحتاجي ترجعي للي قريتيه تاني

Follow the Blog

 

نهاركم سعيد 🙂

 

Eva Night Eye Cream Review

Tags

, , ,

من اكتر المناطق اللي بتحتاج اهتمام و عنايه هي منطقة العين

هي اكتر منطقه بيبان عليها التعب و الارهاق و الزعل و قلة النوم

الفتره اللي فاتت كنت باستخدم Nivea Q10 و المره دي كنت محتاجه اغير و اجرب حاجه جديده

الحقيقه اني ما كنتش اعرف ان Eva عامله منتج مخصوص للعين img_9242

منتجات Eva انا بحبها من زمان من اول منتجات الصبار للشعر و خصوصا الحنه اللي وقفوا انتاجها للاسف لحد ماية الورد اللي ما باستغناش عنها

بقالي يومين بس باستخد م الكريم الليلي للعين فلسه مش حاسه بنتيجه  و لكن خلوني اقول ايه اللي عجبني فيه غير ان السعر اقل من 100 جنيه  و ايه اللي تاخدوا بالكم منه في الاستخدام

البحث :

مافيش معلومات عنه علي Website

http://www.eva-cosmetics.com/

المواد الفعاله :img_9247

 Acmella Flower  :  الليي استنتجته و فهمته من البحث ان وجودها هو العامل المساعد لاعادة بناء الكولاجين

المعلومات اللي جمعتها عنها تتلخص في الLink ده

http://herbpathy.com/Uses-and-Benefits-of-Acmella-Oleracea-Cid930

Natural Marine Collagen : بيعوض نقص اللي حصل من مخزون الكولاجين اللي في الجسم و بنحاول اعادة تكوينه

احساسي باستخدامه : اول ما حطيته حسيت باحساس النعناع في جلدي نفس احساس الهولز بالضبط 🙂

عموما بشكل عام يعتبراحساس كويس قوي لان الاحساس ده معناه ان الدم بيجري للمنطقه دي و هو ده جزء كبير و مهم من المطلوب


img_9248العيب اللي فيه :
الفتحه االي بينزل منها الكريم واسعه فبينزل كتير قوي مع ضغطه خفيفه قوي و مش باحتاج استخدم كل الكميه دي كريم Nivea استخدامه اسهل بكتيير بسبب النقطه دي

مش شايفه ان في لVit C  في المكونات

طريقة الاستخدام :

1- تنظيف الماكياج

2- غسيل الوش بغسول مناسب

3- مسح الوش بمايه ورد

4-حطي الكريم نقطه بسيطه علي صوباعك ووزعي بالراحه زي ما تكوني بطبطبي علي العضم اللي حولين عنيكي من بره لجوه  منتحت العين لفوق

5- حطي كريم ليلي مناسب لنوع بشرتك

6- اعملي ماساج خفيف

و ادخلي نامي  هتصحي الصبح وشك رايق و مرتاح

                                                                  نهاركن سعيد

Citadel Wedding venue

صباح الخير
كل سنه و انتم طيبين 🙂

الصور دي كانت امبارح من كاميرا موبايل
المكان : القلعه

طبعا انتم مستغربين ايه اللي انا منزلاه ده لانه مش ماكيج
المكان ده انا زرته امبارح و الحقيقه انبهرت بالتفاصيل المعماريه اللي في المبني و الضل و النور و المنظر اللي شفته و انا داخله تخيلت اني عروسه و ده المكان اللي انا هادخله عشان اتصور او احضر الحفله بتاعتي
لحظه عديت عليا بس خلتني افكر ليه احنا زنقين نفسنا في الفنادق و النوادي اللي اتحرقت في مليون فرح ل١٠مليون بنت قبلي
احنا عندنا ١/٣اثار العالم (مش بس قصر البارون )اكيد في اماكن منها نقدر نحتفل فيها و نقدر نصور فيها ولو صور الذكري اللي بتعيش العمر كله

عارفه ان الصور مش قوي عشان انا مش مصوره محترفه
عارفه ان الصور ممكن تطلع مبهره فعلا لو في عدسات كويسه وكاميرا عدله
عارفه ان ماكانش معايا اي ادوات اضاءه بس صورت المكان من جماله

عارفه ان في اماكن احلي و اجمل و عصور مختلفه
خلونا نشوف حضارة ٧٠٠٠سنه و هي ليها قصه في كل بيت خلونا نروح الافراح نستمتع بحاجه جديده و مناظر جميله و نفتكر ان الهرم كان فرح نيللي و ان فبيت السخيمي كان كتب كتاب حنان وغيرها و غيرها

للاسف انا ماكنش نافع اروح اسال علي الاسعار ولو بس التصوير المحترف حوه القلعه او الاصاريح بتيجي ازاي لاني كنت مع اولادي مش يوم شغل ….انا حبيت بس اشارككم بخاطر و فكره جاتلي فعلا حابه قوي ان انشرها بين الناس عشان فعلا كل واحده فينا لازم تختلف عن الاخرين 🙂

في النهايه و تشجيعا مني علي صناعة الجمال حابه اقول اني هاعمل هديه لكل بنت هتتصور يوم فرحها في القلعه او مكان في نفس المستوي الفني و الجمال والرقي

هديتي هتكون من جزئين
1-25% off on bridal package
2- free makeup for casual session

*صور الخاصه بالفرح او السيشين هتتعرض علي صفحتي و ده عشان نساعد بعض نخرج بره القوالب اللي احنا حطين نفسنا فيها و نكون مثل لبعض في القدره علي التغير للاجمل